Main Apne Baad Apni Sada Chhor Jaon Ga

Dar-e-fana me NaQsh-e-BaQa chhor jaon Ga
main apne baad apni sada chhor jaon Ga

hain or bhi chman meri khushbu k muntazir
main is chaman ko Misl-e-Saba chor jaon Ga

Doon Ga Her Kali ko Payaam-e-Shuguftagi
Gulshan me aik Husn-e-Adaa chhor jaon Ga

Le jaon Ga main apni wafa ko bhi wafa k sath
Aur un k paas Yaad-e-Wafa Chhor jaon ga

jo mere Dil pe Zakham Lagate rahe sada
main UN k Waste bhi DUA chhor jaon ga...

ShaaM k BaaD

Aankh ban jati hai sawan ki ghataa shaam k baad
Lout jata hai agar koi khafa shaam k baad,

Chaand jab ro kr sitaroon se galay milta hai
Ek ajab rung ki hoti hai fiza shaam k baad,

Hum ne tanhai se poocha k milo gi kab tak
Us ne bechaini se foran hi kaha shaam k baad,

Maar deta hai ujar janay ka dohra ehsaas
Kash ho koi kissi se na juda shaam k baad....!

Meri AAnkh kese chalak Gai

mujhe apne zabt pe naz tha, sar-e-bazm rat ye kiya huwa
meri aankh kese chalak gai, mujhe ranj he ye bura howa

mujhe jo bhi dushman-e-jan mila wo pukhta kar-e-jafa mila
na kisi ki zarb ghalat pari, na kisi ka teer khata huwa

mujhe ap kiyoon na samajh sake, ye khud apne dil hi se poochiye
meri dastan-e-hayat ka, to warq warq he khula huwa

mujhe aik gali main para huwa, kisi bad naseeb ka khat mila
kahin khoon-e-dil se likha huwa kahin aansoon se mita huwa

mujhe hamsafar bhi mila koi to shakista hal meri tarah
kai manzilon ka thaka huwa kahin raste main lota huwa

humain apne ghar se chale hoe sar-e-rah umar guzar gai
na kisi justujoo ka sila mila na safar ka haq hi ada huwa

mujhe apne zabt pe naz tha, sar-e-bazm rat ye kiya huwa
meri aankh kese chalak gai, mujhe ranj he ye bura huwa

CHAHAT

Badli saawan ki koi jab bhi barasti hogi
Dil hi dil mein woh mujhe yaad to karti hogi

Theek se so na saki hogi khayalon se mere
Karvatein raat bhar bistar pe badalti hogi

Koshishen jitni bhi ki hongi bhulaane ki mujhe
Yaad utni hi meri aur ubharti hogi

Dar pe aahat si hui hogi hawa se jab bhi
Dhadkanen dil ki bahot tez dhadakti hogi

Khat na aane ka sabab jaan liya hai maine
Kahin ruswai na ho jaye, wo darti hogi

Poochti hogi hawaon se mera haal e dil woh
Uski galiyon se hawa jab bhi guzarti hogi

Apne seene se laga kar meri tasveer ko woh
Aahen raaton ko mere pyar mein bharti hogi

Jhooti aane ki khabar paake woh meri "CHAHAT"
Kabhi sajti to kabhi aur sanwarti hogi

sabse chupa k dard wo Muskura diya

Sabse chupa k dard jo wo muskura diya
uski hansi ne to aaj mujh ko rula diya

Lehje se uth rahe the har ik dard ki daastan
chehra bata raha tha k sab kuch ganwa diya

Aawaz mein thehrao tha Aankhon mein nami the
Aur keh raha tha mene sab kuch bhula diya

Jaane kya us ko logon se theen shikayatein
tanhayon k des mein khud ko basa dia

Khud bhi wo humse bichar k adhora sa hogaya
mujh ko bhi itne logon mein tanha bana diya